Godina Baaleetti kan argamu yuuniyeeniin hojii gamtaa Sikkoo Mandoo birrii 6,795,000n midhaan gosa adda addaa kunt. 46,200 bituuf karoorfachuu isaa gaggeessaan yuuniyeenichaa beeksisan.

Gaggeessaan yuuniyeenichaa Ob. Asaffaa Fayyisaa gaazeexaa Oromiyaatiif odeeffannoo kennaniin akka jedhanitti, yeroon kun yeroo midhaan galaa jiru waan ta’eef qonnaan bulaan gatii hin taanetti ooishasaa akka hin gurgurre yuuniyeenichi gatii gaariidhaan bituuf qophii xumureera.

Birrii midhaan ittiin bitamu kana baankiin waldaa hojii gamtaa akka liqeessuuf komishinii waldaa hojii gamtaa gaafachuu isaanii kan ibsan Ob. Asaffaan, hamma deebii argatanitti birrii muraasa of harkaa qabaniin bittaatti akka seenan nuuf ibsaniiru.

Midhaan bitamu kanas kuusuuf kan oolu magaalaa Roobeetti dhaabbata gabaa oomisha qonnaa irraa kiraan argachuu isaanii Ob. Asaffaan eeranii, oomisha kanas daldaltoonni dhuunfaafi abbootiin warshaa isaan irraa bituuf walii galtee akka taasisan illee odeeffannoo gaggeessicha irraa argame irraa hubachuun danda’ameera.

Haaluma kanaan daldaltoota dhuunfaatiin ala warshaaleen Adaamaatti argaman ‘biraazersi duqeetfi ‘Afriikaa duqeet’ akkasumas warshaan daakuu ‘kaa’oo jeejee’ jedhaman oomisha kana irraa bituuf walii galtee taasisuu isaanii Ob. Asaffaan beeksisaniiru.

Oomishni yuuniyeeniin kun bitu qamadii, talbaafi barbaree ta’uu isaas gaggeessaan kun dubbataniiru.

(Oduu- LK 310)