News News

በኢህአዴግ እንደገና በመታደስ ዙሪያ በፌዴራል መስሪያ ቤቶች የሚገኙ የድርጅቱ የመካከለኛ አመራር አካላት የሁለት ቀናት ግምገማዊ ስልጠና መድረክ ተካሄደ

በጠቅላይ ሚኒስትር ጽ/ቤት የመስብሰቢያ አዳራሽ ከሁሉም የፌዴራል ተቋማት የተውጣጡ የኢህአዴግ አባል ድርጅቶች የመካከለኛ አመራር አካላት የኢህአዴግ ምክር ቤት የሀገሪቱን ወቅታዊ ነባራዊ ሁኔታዎችንና ድርጅቱ አሁን ላይ ያለበትን ነባራዊ ሁኔታ በመገምገም የለያቸውን ስኬቶችንና ውስንነቶችን መሰረት በማድረግ የተላለፈውን እንደገና በጥልቀት የመታደስ ድተርጅታዊ ውሳኔ የተመለከተ የሁለት ቀናት ውይይት አካሄደዋል፡፡

«ወጣቶች የኢትዮጵያ ህዳሴ ባለቤቶች ናቸው»- ጠቅላይ ሚኒስትር ኃይለማርያም ደሳለኝ

‹‹ወጣቱ ትውልድ የህዳሴ ባለቤትና የአዲሲቷ ኢትዮጵያ ገንቢ ነው›› ያሉት ጠቅላይ ሚንስትር ኃይለማርያም የወጣቶች ተሳታፎና ተጠቃሚነትን መሰረት ባደረገ መልኩ ሁሉም ጥያቄዎች በኢትዮጵያ ህዳሴ ማዕቀፍ ውስጥ ደረጃ በደረጃ ምላሽ የሚያገኙና እያገኙ ያሉ ናቸው ብለዋል፡፡ እስከአሁን በተተገበረው የወጣቶች እድገት ፓኬጅ በገጠርና በከተማ ለበርካታ ወጣቶች የስራ እድል መፈጠሩን የገለጹት ጠቅላይ ሚንስትሩ በቀጣይም ከከፍተኛ ትምህርት ተቋማት፤ ከቴክኒክና ሙያ የተመረቁ ወጣቶችን ጨምሮ በግብርና፤ በአይ ሲ ቲ፤ በገጠር የመሰረተ ልማት ዝርጋታና ጥገና፤ በማዕድን ልማትና በቱሪዝም ዘርፍ በሚሊዮኖች ለሚቆጠሩ ወጣቶች የስራ እድልና የፋይናንስ ድጋፍ እንደሚመቻች ጠቅሰዋል፡፡

የኢፌዴሪ ጠቅላይ ሚንስትር ኃይለማርያም ደሳለኝ በወቅታዊ ጉዳዮች ላይ ጋዜጣዊ መግለጫ ሰጥተዋል

የኢፌዴሪ ጠቅላይ ሚንስትር ኃይለማርያም ደሳለኝ በወቅታዊ ጉዳዮች ላይ ትናንት በሰጡት ጋዜጣዊ መግለጫ ላይ በአሁኑ ወቅት በሀገራችን አንዳንድ አከባቢዎች እየታዩ ያሉ ግጭቶች መንስኤዎች በዝርዝር ያስቀመጡ ሲሆን ኢትዮጵያን አደጋ ላይ የሚጥል ስጋት አለመኖሩንና እዚህም እዚያም በሚታዩ ግጭቶች አገሪቱ ትፈራርሳለች የሚለው ስጋት መሰረተ ቢስ መሆኑን አስገንዝበዋል፡፡ እንደ ጠቅላይ ሚንስትሩ ገለፃ ለእነዚህ ግጭቶች እንደ ዋነኛ ምክንያት የሚጠቀሱ አራት መነሻዎች እንዳሉ አመላክተዋል፡፡

ህብረተሰቡ ያሚያነሳውን ጥያቄ መርህን በተከተለ አግባብ ለመፍታት ጥረት እንደሚደረግ ተገለፀ

አቶ ገዱ በአሁኑ ወቅት በተለይ በጎንደርና አካባቢው የተከሰተው አለመረጋጋት በነዋሪዎቹ ማህበራዊና ኢኮኖሚያዊ እንቅስቃሴ ላይ ከፍተኛ ችግር አስከትሏል ብለዋል፡፡ በብዙ መልኩ አርዓያና የቱሪስቶች መዳረሻ የሆነችው ጎንደር ከተማ የንግድና ሌሎች ማህበራዊና ኢኮኖሚያዊ እንቅስቃሴዎች መዳከማቸውን ገልጸዋል፡፡ ህዝቡም በሰላም ወጥቶ በሰላም የመግባቱ ሁኔታ ስጋት ውስጥ ከቶታል ነው ያሉት። ደረጃው ቢለያይም በሌሎች የክልሉ አካባቢዎችም ችግሩ እንዳለ ገልፀው መንግስትና ህዝቡ ይህን መሰል ችግር ከዚህ በላይ ተሸክመው የሚቆዩበት ሁኔታ ላይ አይደሉም ብለዋል። በመሆኑም በክልሉ በጎንደርና በሌሎች አንዳንድ አካባቢዎች የተከሰተውን አለመረጋጋት ወደ መደበኛ ሁኔታ ለመመለስ የሰላሙ ባለቤት የሆነው ህዝብ ከመንግስት ጋር አብሮ እንዲሰራ ርዕሰ መስተዳድሩ አሳስበዋል።

የኢህአዴግ ም/ቤት የ15 አመታት የተሃድሶ ጉዞን መገምገም ጀመረ፡፡

የኢህአዴግ ም/ቤት ከድርጅቱ ጉባኤ ቀጥሎ ከፍተኛው የስልጣን አካል በመሆኑ በኢህአዴግ ስራ አስፈጻሚ ኮሚቴ በቀረበለት የ15 አመታት የተሃድሶ ጉዞ ግምገማ መነሻነት ጥልቀት ያለው ግምገማ በማካሄድ የሚታዩ ችግሮችን መሰረታዊና ስር ነቀል በሆነ ሁኔታ ለመፍታት የሚያስችሉ ውሳኔዎችን እንደሚያስተላልፍም ይጠበቃል፡፡

ከኢህአዴግ ስራ አስፈፃሚ ኮሚቴ የተሰጠ ድርጅታዊ መግለጫ

አገራችን ኢትዮጵያ ከዘመናት የማሸለብና የማሽቆልቆል ጉዞ ተላቃ ለሩብ ምዕተ ዓመት ያህል በለውጥ ጎዳና ስትገሰግስ ቆይታለች፡፡ በተለይ ደግሞ የተሃድሶ እንቅስቃሴው ከተጀመረ በኋላ ባሉት አስራ አምስት ዓመታት ፈጣን ብቻ ሣይሆን የህዝብ ተጠቃሚነት መረጋገጥ የጀመረበት ዕድገት ስታስመዘግብ ቆይታለች፡፡ ይህ ለውጥ ድርጅታችንና መላ የአገራችን ህዝቦች እጅ ለእጅ ተያይዘው ያመጡት ለውጥ ነው፡፡ ወጣቶችና ሴቶች፣ አርሶ አደሮችና ሰራተኞች፣ ምሁራንና ልማታዊ ባለሃብቶች ከድርጅታችንና ከልማታዊ መንግስታችን ጋር ተደጋግፈው ዕውን ያደረጉት ለውጥ ነው፡፡ ሂደቱ ዴሞክራሲያዊና ፍትሃዊ ብቻ ሳይሆን አገራችንን ወደፊት ለማረማመድ የሚያስችል ከፍተኛ ልምድ የተገኘበትም ነው፡፡ ምንም እንኳ ይህ የለውጥ ጉዞ ካለአግባብ የመጠቀም አዝማሚያ በሚፈጥረው ዕንቅፋት ምክንያት የህዝባችንን የተሟላ እርካታ ያላረጋገጥን ቢሆንም ህዝባችን የጀመረውን ፀረ-ጥገኝነት ትግል አጠናክሮና በዚህ ረገድ ድርጅታችን የነደፈውን የለውጥ መርህ-ግብር በፅናት ተግባራዊ እስካደረግነው ድረስ መሰናክሎችን አልፈን ወደ ዘላቂ ዕድገት እንደምናመራ በፅኑ እንተማመናለን፡፡ ከአስራ አምስት ዓመት በፊት አጋጥሞን የነበረውን ተመሳሳይ ዝቅጠት አልፈን ዓለምን ያስደነቀ ለውጥ እንዳስመዘገብነው ሁሉ የወቅቱን ድክመቶች ቀርፈን ለሌላ ተመሳሳይ ድል እንደምንበቃም ያምናል፡፡

የጋራ ቤታችንን በጋራ እንገንባ

"ከኤፊ ሰውነት" በባህር ዳር ከተማ ከሐምሌ ­25 ቀን 2008ዓ.ም ጀምሮ ለሁለት ቀናት ሲከበር የቆየው የኢትዮጵያ ዲያስፖራ ቀን ትናንት ማምሻውን ፍፃሜ አግኝቷል፡፡ በአገር አቀፍ ደረጃ የዲያስፖራ ቀን ሲከበር ይህ ለሁለተኛ ጊዜ ሲሆን የዚህ በዓል መከበር ዋነኛ ዓላማም በአገራችን የተጀመረውን ልማት በማስቀጠልና የአገራችንን ህዳሴ ለማረጋገጥ በተለያዩ የዓለማችን ክፍሎች የሚገኙት ዜጎቻችን የበኩላቸውን ድርሻ እንዲወጡ ለማስቻልና በዚህም የጋራ መግባባት ለመፍጠር ነው፡፡

የህዝብ ተወካዮች ም/ቤት ለሁለት ቀናት ሲያካሄድ የነበረውን ወይይት የ2009 በጀትን በሙሉ ድምፅ በማፅደቅ አጠናቀቀ

የህዝብ ተወካዮች ም/ቤት ለሁለት ቀናት ሲያካሄድ የነበረውን ወይይት የ2009 በጀትን በሙሉ ድምፅ በማፅደቅ አጠናቀቀ * የ2009 በጀት የመንግስት ዋነኛ የትኩረት አጀንዳ የሆነውን ድህነትን ለመቅረፍ በሚያስችሉ የልማት ስራዎች ላይ ያተኮረ መሆኑም ተገልጿል፡፡ የፌደራሉ የ2009 ዓ.ም በጀት ረቂቅ ለህዝብ ተወካዮች ምክር ቤት ቀርቦ ውይይት ከተደረገበት በኋላ ም/ቤቱ በዛሬው ውሎው የ2009 ዓ.ም የፌዴራል መንግስት በጀት 274,373,197,248.00 ብር (ሁለት መቶ ሰባ አራት ቢሊዮን ሶስት መቶ ሰባ ሶስት ሚሊዮን አንድ መቶ ዘጠና ሰባት ሺህ ሁለት መቶ አርባ ስምንት) ብር እንዲሆን በሙሉ ድምጽ አጸደቀ፡፡

አካዳሚዎቹ በትብብር እንደሚሰሩ ገለጹ

የመለስ ዜናዊ የአመራር አካደሚና የቻይና የአመራር አካዳሚ በአቅም ግንባታ ላይ በትብብር ለመስራት ዝግጁ መሆናቸውን ገለጹ፡፡ ይህ የተገለጸው በቻይና የአመራር አካዳሚ ምክትል ፕሬዚዳንት ሚስተር ችን ሊ የሚመራው የቻይና የልዑካን ቡድን ከኢህአዴግ ምክትል ሊቀመንበርና የኢፌዴሪ ምክትል ጠቅላይ ሚኒስትር ደመቀ መኮንንና ሌሎች የኢህአዴግ ከፍተኛ አመራሮች ዛሬ ጠዋት በኢህአዴግ ምክር ቤት ጽ/ቤት በተወያየበት ወቅት ነው፡፡

የኢህአዴግ ሥራ አስፈጻሚ ኮሚቴ የድርጅትና የመንግስት ስራዎች አፈጻጸም በመገምገም የቀጣይ የትኩረት አቅጣጫዎችን አስቀመጠ

በዘንድሮው የበልግ ወቅት የነበረውን የተሻለ የዝናብ እድል አሟጦ ለመጠቀም እንዲቻል በየደረጃው የበልግ ልማት ዕቅድ ተዘጋጅቶ ለግብርና ልማት ሰራተኞችና አርሶ አደሮች የክህሎት ስልጠና ተሰጥቶ ወደ ስራ ተገብቶ በሀገር ደረጃ ለማልማት የተያዘውን ግብ ማሳካት የተቻለ መሆኑን ኮሚቴው ገምግሟል፡፡ በበልግ ልማቱ በጥቅል የተቀመጠውን ግብ ማሳካት የተቻለ ቢሆንም ከነበረው የተሻለ የዝናብ አጋጣሚ አኳያ ሁሉንም አማራጮች በሚፈለገው ደረጃ መጠቀም ቢቻል ከተገኘው ውጤት በላይ ማስመዝገብ ይቻል እንደነበር ለቀጣይ በትምህርትነት መወሰድ እንደሚገባው ኮሚቴው ተመልክቷል፡፡

የግንቦት 20 ድል ያስገኛቸው ትሩፋቶች ተዘርዝረው የሚያልቁ አይደሉም፡፡ ብሄሮች፣ ብሄረ ሰቦችና ህዝቦች ኢትዮጵያዊነት ከውጭ በኃይል የሚጫን ሳይሆን አምነውና ፈቅደው የሚቀበሉት የኩራተቸው ምንጭ መሆኑን አምነው በአገራቸው ልማትና ዕደገት እኩል ተሳታፊና ተጠቃሚ እንዲሆኑ በመደረጉ ብሄሮች፣ ብሄረ ሰቦችና ህዝቦች በሙሉ አቅማቸው ፊታቸውን ወደ ልማት እንዲያዞሩ በዚህም አገራችን በፈጣን የዕድገት ምህዋር እንድትገባ ማድረጋው አንዱ የግንቦት ሀያ ትሩፋት ነው፡፡ ደርግ በወደቀበት ወቅት በኢትዮጵያ 17 የመገንጠልን አማራጭ የሚከተሉ የታጠቁ ኃይሎች የነበሩ ሲሆን የግንቦት ሀያ ድል በእኩልነትና በመፈቃቀድ ላይ የተመሰረተ ዴሞክራሲያዊ ፌደራላዊ አንድነት እንዲመሰረት በማድረጉ የመገንጠል ጥያቄዎች እየከሰሙ ጠጥዋል፡፡ በአዲስቷ ኢትዮጵያ ሁሉም ብሄሮች፣ ብሄረ ሰቦችና ህዝቦች በአገራቸው ጉዳይ እኩል ያገባቸዋል፣ በአንድነት በሃገራቸው ልማት በመሳተፍ ይገኛሉ፡፡

የግንቦት 20 ድል ‹‹ ትበታተናለች›› የተባለችውን አገር ህዝቦቿ ተፈቃቅደውና ተከባብረው በመሰረቱት ጽኑ አንድነት ወደ ፈጣን አዳጊነት እንድትሸጋገር ብሎም ለዘመናት መገለጫዋን ሆነ የቆየውን ድህነትና ኃላቀርነት ቀስ በቀስ እንዲናድ አስችሏል፡፡ የአንደኛው የዕድገትና የትራንስፎርሜሽን የተመዘገበው ፈጣን ዕድገት ብቻ የአገራችን ኢኮኖሚ በመጠኑ ግዙፍ ከሚባሉ ጥቂት የአፍሪካ አገራት መካከል እንዲጠቀስ ያስቻለ ነው፡፡ ይህም ለቀጣይ ዕድገት ተጨማሪ አቅም መፍጠር እንዳስቻለ ታምኖበታል፡፡ በዚህም ዓመታዊ አማካይ የነፍስ-ወከፍ ገቢ በ2002 ከነበረበት 377 የአሜሪካን ዶላር በ2007 መጨረሻ ወደ 691 የአሜሪካን ዶላር አድጓል፡፡ ይህ ባለፉት አምስት ዓመታት የተመዘገበው ፈጣን የነፍስ ወከፍ ገቢ በፈጣን የኢኮኖሚ ዕድገት፣ ማህበራዊ ልማት እና የአደጋ ተጋላጭነትን በመቋቋም አቅም ተጠናክሮ እንዲቀጥል ከተደረገ በ2017 ዓ.ም ሀገራችንን መካከለኛ ገቢ ካላቸው ሀገሮች ተርታ ለማሰለፍ የተቀመጠውን ሀገራዊ ራዕይ ለማሳካት የሚያስችል ነው፡፡

ፈጣን ዕድገቱ የዜጐችን ተጠቃሚነት ያረጋገጠ በመሆኑ ፋይዳው ከፍ ያለ ነው፡፡ ዕድገቱ ሠፊ መሠረት ያለው ነው፡፡ አብዛኛው የአገራችን ሕዝቦች ከተሠማሩበት ከግብርና ዘርፍ የመነጨ በመሆኑ አብዛኛውን ሕዝብ ተጠቃሚ ያደረገ እንደሆነ ጥናቶች ያሳያሉ፡፡ የአገራችን የድህነት መጣኔ በ1997 የበጀት ዓመት 38.7 በመቶ የነበረ ሲሆን በ2003 የበጀት ዓመት በተካሄደ ተመሳሳይ ጥናት ይህ መጣኔ ወደ 29.6 በመቶ ዝቅ ብሏል፡፡ ጥናቱ የድህነት መጣኔው በገጠርም በከተማም መቀነሱን አመላክቷል፡፡ በ2007 በጀት ዓመት መጨረሻ የድህነት መጣኔው ወደ 23.4 በመቶ ገደማ ዝቅ ሊል እንደሚችል ተገምቷል፡፡ ይህም ድህነትን በግማሽ መቀነስ የሚለው የምዕተ ዓመቱ የልማት ግብ ማሳካት ያስቻለን አፈፃፀም እንደሆነ ይታመናል፡፡

 

 

Amharic English